忌廉賓週記: December 2005

Merry Christmas

大家好! MERRY CHRISTMAS !! 今日係12月25日, 祝大家聖誕快樂, 貓咪身體健康.

今日爹地同媽咪睏到"黃朝白雁"先起身, 出街買完餸返屋企, 媽咪又要忙於弄聖誕大餐. 有焗酥皮忌廉賓.......啊! 唔係呀! 係焗酥皮忌廉磨姑海鮮湯, 有焗壤粟米薯蓉大白菌, 有香煎大虎蝦伴雞扒. 嘩! 聽個名好似好好味, 但真係要爹地同媽咪食過先知........... 難唔難食.......

而我今晚的聖誕大餐有"NEUTRO CHOICE COMPLETE CARE KITTEN FOOD" 同埋 "CATTYMAN 的吐毛球小食", 簡單D講就係貓糧啦.

你哋又點過聖誕節呢??

我最鐘意玩棒棒

喵 ~ 玩媽咪, 同我玩捧捧. 唔 ~ 同我玩啦. 嘩 ~ 同我玩呀. 喵 ~ 唔 ~ 嘩 ~.................

媽咪按: 忌廉賓最近迷上了一種新玩意 ---- 玩捧捧.

我唔要扮松鼠！！！

Lap, Lap, Lap

Lap, Lap, Lap, Lap, Lap.....我做貓都好守本份, 每日Lap吓自己, 都可以叫做一隻清潔0既貓. 咁, 媽咪你可以以後唔好同我沖涼啦 !!

媽咪按: 忌廉實偶然都會Lap吓自己, 個樣一臉應真的, 很可愛 !! 不過..........天生怕水0既佢係逃不開沖涼0既命運.........!!

我要玩(拆)Lego

我最鍾意玩Daddy啲Lego, 佢將所有心愛0既Lego放喺窗台, 好威咁, 我一無聊就玩吓啦, 點知, 好化學0架, 一掂就散晒. oh! 原來可以拆出來當波踢, 好好玩0架, 你都玩吓 !!

Mammy按: 自從忌廉賓日日拆Lego當波踢, 唔見咗啲parts. Daddy就怕佢怕米貴, 將大部份Lego收起, 冇得晒冷.

Daddy按: 超 !!

咪跳呀!!!

好肥咩?

每日, 我都在耳邊聽到: "忌廉賓好肥". 到底咩叫做好肥 ??

媽咪按: 自從忌廉賓做咗"公公"後, 佢由朝到晚係咁食,食,食. 最近又玩厭咗踢波. 所以, 係冇乜運動0既情況下, 佢越來越肥.

躲貓貓

好悶呀!同我玩呀!

第二張床

好舒服呀!!!!!!!!!

我做貓好識嘆世界, 呢張咁舒服嘅床就最啱我四圍碌.

媽咪按: 忌廉賓有一張士多啤梨床, 但是, 牠很喜歡睡在我們的床上. 尢其是當我們翻開被子, 忌廉賓便會一臉陶醉的攤在被上, 快樂極了. 不過, 牠有一個奇怪的習慣, 就是當我們走上床後, 即使大家已各佔了有利床位, 牠還是要在我們熄燈後, 離開房間, 走到廳中吃過宵夜, 才斯斯然走進來, 上床睡覺.

士多啤梨床

紅卜卜的士多啤梨床, 好靚呀呵!?
不過, 都係唔夠爹哋媽咪張床舒服. 都係襯未人齊, 我快D擺咗爹哋媽咪張床先.

媽咪按: 張士多啤梨床係我喺YAHOO見到, 好鬼鍾意, 用$280靚價Bid番0黎. 都估到忌廉賓佢唔多用0架, 不過我用來欣賞吓都好. 好采, 忌廉賓佢夏天唔用, 現在天氣冷, 佢成日用喎.

開大定開細??

圖中的我多麼應真的表情, 您估我開大定開細???

媽咪按: 忌廉賓每次辨完事, 佢都會大聲呱呱叫, 通知大家快D淸理厠所.

有關以上汇應通的問題, 答案係"B" --- 開細 !!

***在此特別鳴謝盧先生每天辛勤淸理貓厠所***

我要睇亞旺

我的睡相

初來報到

嘩, 呢個唔知咩地方, 有兩個生得很醜嘅動物係咁望住我, 仲係咁質嘢比我食, 唔知係唔係傻架. 媽咪按: 忌廉賓第一日來到我們家, 很驚不肯飲食. 當晚又不肯睡覺, 整晚很可憐地瞄瞄叫. 而我們整晚也不好睡, 一聽到牠叫便跑去看牠. 然而, 牠看到我們好像還要更害怕. 到了第二天早上, 忌廉賓仍是四處躲藏. 沒有養貓經驗的我們, 唯有上網學人如何處理. 據說忌廉賓的舉動是一般新貓的反應, 我們才放心一點. 忌廉賓經過一整天的監視, 終於因為太倦, 下午在梳化底睡著了. 而我們也因為要看守牠(沒事做), 決定一家三口齊來個午睡. 奇蹟啊! 忌廉賓睡醒後竟主動親近我們 ( 可能牠覺得我們沒有襯牠睡著偷襲牠, 應該是好人吧!! ) 忌廉賓還很聰明呢, 第二天便懂得自己的名字, 第一次上厠所便懂得使用貓盤. 真的很可愛啊 !!