新年快樂

忌廉賓祝大家新年快樂，新年發大財, 財源滾滾來，身體健康，心想事成　！！

忌廉賓，忌廉爸，忌廉媽仝人敬賀．

稱侵磨較义燒飽

忌廉賓: 話明 " 稱侵磨較义燒飽 ", 我咁醒目, 緊係每次都出 "包" 啦 !


忌廉媽按: 張相係我用新手機"Panasonic V3"影架, 都唔錯呀 !! 不過, 忌廉賓隻手好污糟喎 !!!!

天氣暖睡玻璃

忌廉賓: 電視有咩好睇, 睇吓我唔好 !!

天氣凍睡士多啤梨床

忌廉賓: 媽咪都幾醒目, 買張咁舒服0既床比我, 不過張床好似越來越細咁…..

忌廉媽按: 以前忌廉賓每晚會睡在忌廉媽同忌廉爸之間, 然後開火車 (發出咕嚕咕嚕聲). 不過至從入冬後, 忌廉賓愛睡在士多啤梨床. 據說, 這是因為忌廉媽太反睏, 經常碌向忌廉賓, 忌廉賓為了睡好一點, 投向士多啤梨床懷抱……..

我要食皇帝蟹,唔要魚魚

爹地媽咪好衰0架, 唔比我食皇帝蟹, 我嬲>_<





媽咪按:
大除夕我們留係屋企食大餐. 唔願煮飯0既媽咪決定同爹地去SOGO買壽司同北海道皇帝蟹腳做大除夕晚餐.

忌廉賓每逢見我們開餐, 一定跳上枱偷食. 而我倒必定左閃右避. 今次比佢一試皇帝蟹0既滋味, 佢簡直為之瘋狂, 不停用個頭衝向碟皇帝蟹. 為怕佢撞向碟WASHABI同蟹穀吉親, 我們不停拿開枱上0既0野. 忙到食唔到0野. 最後, 都係同忌廉賓一齊分享碟皇帝蟹. 當然, 我們不可以比太多蟹佢食.

你睇吓上面張相, 我們唯有比貓魚佢食, 佢先至放過我們. 平時忌廉賓好鍾意貓魚0架, 不過, 今次佢係貓魚面前, 都要咀扁扁望住我們食蟹呀................